李佳芯（Ali）出席内衣品牌开幕活动，提到日前才接受完子宫囊肿切除手术，已经要一连两日出席活动，问到怕唔怕身体应付唔到？Ali就话今日先系正式嘅公开活动，并透露已经休息咗一个星期，续说：“手术比我想像中冇咁简单，开头以为微创好简单，点知一醒番全身骨痛，因为有空气同血水入咗身体，全身酸痛。”去到第五日仲痛紧，成件事比想像中严重。问到手术会否生育影响？Ali解释虽然囊肿Size有10CM大，亦位于卵巢附近：“系良性，医生话唔会影响生育。（手术前惊唔惊影响到？）其实当初知道时腹部好胀，以为自己肥咗。经过呢件事后，女性要多啲锡自己，唔好避开。我问番专业朋友意见，话呢种病好普遍，要好好正视。其实惊痛多过生育问题，我同生过BB嘅朋友倾番，原来开完刀同生BB好似，做妈妈好伟大！”
预览时标签不可点
